ZOMIN TUMANI ICHKI VA TASHQI TURIZM RIVOJIDAGI MUHIM TURISTIK BAZA

Abstract

Mazkur maqolada Jizzax viloyatining Zomin tumani hududida ichki va tashqi turizmni rivojlantirishda muhim o‘rin tutuvchi turistik baza va resurslar ilmiy-amaliy jihatdan tahlil qilinadi. Xususan, Zomin milliy tabiat bog‘i, Zomin sanatoriyasi hamda Turkiston tizmasi hududidagi tabiiy-landshaft majmualarining turizm salohiyati yoritiladi. Hududning ekologik tozaligi, betakror tog‘-o‘rmon landshaftlari, shifobaxsh iqlimi va biologik xilma-xilligi ichki turizmni rivojlantirishda asosiy omil bo‘lib xizmat qilayotgani asoslab beriladi. Shu bilan birga, zamonaviy infratuzilma, mehmonxona xo‘jaligi, transport va servis xizmatlari rivojlanishi orqali tashqi turizm oqimini oshirish istiqbollari ko‘rib chiqiladi. Tadqiqot natijalari Zomin tumanini respublika miqyosida yirik rekreatsion va ekologik turizm markaziga aylantirish imkoniyatlarini ko‘rsatadi.